नापी कार्यालय रुपन्देहीका अधिकृत सहित ५ जना १७ लाख घुस लिँदै गर्दा पक्राउ

बुटवल, ३० फागुन । अख्तियार दुरूपयोग अनुसन्धान आयोगको बुटवल कार्यालयले रुपन्देहीको नापी कार्यालयका अधिकृतसहित छ जनालाई नियन्त्रणमा लिएको छ। सेवाग्राहीसँग १७ लाख घुस लिँदै गर्दा बुटवलले सिद्धार्थ नपा वडा १३ अशोका होटल नजिकबाट उनीहरूलाई पक्राउ गरिएको अख्तियार दुरूपयोग अनुसन्धान आयोग बुटवल कार्यालयका प्रमुख भीष्म भुसालले जानकारी दिए। जग्गाको कित्ताकाट मिलाइदिने भन्दै सेवाग्राहीसंग घुस लिंदै गर्दा अख्तियारको टोलीले उनीहरुलाई भैरहवाबाट पक्राउ गरेको हो ।

पक्राउ पर्नेमा नापी कार्यालयका नापी अधिकृत सरोज श्रेष्ठ, सर्वेक्षक तिर्थराम भण्डारी, सर्वेक्षक थानेश्वर चौधरी, मालपोत कार्यालयका नासु धर्मराज पन्थी, लेखापढी व्यवसायी जीवन शर्मा, मतियार राज कुमार अर्याल रहेका छन्। पक्राउ परेका उनीहरुमाथि अनुसन्धान भइरहेको अख्तियार कार्यालयले जनाएको छ ।