छाङरु, टिंकर क्षेत्र जाने पुल पहिरोले बगायो

दार्चुला । दार्चुलाको व्यास गाउँपालिका–२ मा रहेको कल्जु खोलाको झोलुंगे पुल पहिरोले बगाएपछि व्यास–१ का छाङरु, टिंकरलगायत क्षेत्र जाने बाटो बन्द भएको छ ।कल्जु खोलामा आइतबार खसेको पहिरोले भासिएको पुल सोमबार राति बगेको हो । पहिरोले दुवैतर्फको आवतजावत रोकिएको छ ।खोला बढेपछि तम्बाकु क्षेत्रमा बाटो बनाइरहेका स्थानीयलाई आउजाउमा समस्या परेको स्थानीयहरुले बताएका छन् । व्यास गाउँपालिका र भौतिक पूर्वाधार मन्त्रालयको लगानीमा यो क्षेत्रमा घोडेटो बनिरहेको छ ।

कामदार राति दुम्लिङ घर आउने र दिउँसो काममा जाने गर्थे ।पहिरोले झोलुंगे पुल छेउमा रहेको पसल पनि भासिएको र खेत पनि बगेको छ । आसपासका घरमा पहिरोको जोखिम बढेको छ । व्यास–१ जोड्न पहिरो खसेको ठाउँभन्दा करिब १० किलोमिटर माथि घाटीबगरमा नेपाली सेनाले घोडेटो बनाइरहेको छ ।यसैविच, महाकाली नगरपालिका–१ श्रीबगरमा बुधबार बिहान पहिरोले स्थानीय पार्वती बमको ५ कोठे घरसहितको पसल पुरिएको छ । माथिबाट पहिरो खसेर घर पूर्णरूपमा क्षति भएको जिल्ला प्रहरी कार्यालय दार्चुलाका सूचना अधिकारी सुरेन्द्रप्रसाद जोशीले बताए ।ईकान्तिपुर