नाडामा जिपको तरंगः ट्रायलहकदेखि कम्पास स्पोर्टस् प्लससम्म

काठमाडौं । सार्वजनिक भएको केही समयमै जिप कम्पास बजारमा लोकप्रिय मोडेल बन्यो । पहिलेदेखि रहेको जिप प्रतिको आकर्षणका कारण कम्पास छोटो समयमै नेपाली अटो बजारको अब्बल प्रतिस्पर्धीमा गनिन थालेको छ ।जिपले कम्पासका विभिन्न भेरियन्टमार्फत आफ्नो बजारलाई आक्रामक बनाइरँदा नाडा अटो शोमा कम्पास ट्रयाकहक सार्वजनिक गरेको छ । यस्तै कम्पास स्पोर्ट्स प्लस पनि नाडामै सार्वजनिक भएको छ ।जिपको आधिकारिक विक्रेता एमएडब्लु लाइफले जिपको ‘ट्रायल रेटेड’ एसयुभी कम्पास ट्रायलहकलाई विशेष आकर्षण्का रुपमा नाडामै सार्वजनिक गरेको हो ।

नयाँ कम्पास ट्रायलहकमा २.० लिटरको मल्टिजेट टर्बोजिजेल इन्जिन प्रयोग गरिएको छ जसले अधिकतम १७० एचपी पावर र ३५० एनएम टर्क उत्पन्न गर्छ ।जिपले कम्पास ट्रायलहकमा पहिलो पटक ९ स्पिडको डिजेल अटोमेटिक ट्रान्समिसन भएको इन्जिन प्रयोग गरेको छ जुसले गर्दा यो एसयुभी कठोर भूबनोटमा पनि गुडन सक्ने क्षमता राख्छ । नेपालमा जिप कम्पास ट्रायलहकको मूल्य एक करोड २४ लाख ९० हजार तोकिएको छ ।‘ट्रायल-रेटेड’ उपमा पाउन जिपले ‘ट्रयाक्सन’, ‘वाटर फोर्डिङ’, ‘म्यानुराबिलिटी’, ‘आर्टिकुलेसन’ र ‘ग्राउन्ड क्लेरेन्स’ गरी पाँच वटा विभिन्न क्षमता परीक्षण उत्तिर्ण गर्नु पर्छ ।

जिपले ‘र्‍यांग्लर’ र ‘चेरोकी’ जस्ता केही निश्चित मोडेललाई मात्र ‘ट्रायल-रेटेड’ ब्याज दिने गरेको छ ।अल हि्वल ड्राइभ (एडब्लुएच)प्रविधि रहेको ट्रायलहकमा जिप एक्टिभ ड्राइभ ४बाई४ लो, इन्जिन स्टपरस्टार्ट, एड्भान्स्ड क्रुज कन्ट्रोल, बिल्ट-इन नेभिगेसन, हिल डिसेन्ट कन्ट्रोल, र पहिलोपटक ‘रक मोड’ टेरेनको सुविधासमेत रहेको छ । यसअघिका कम्पास भेरियन्टमा ‘स्नो’, ‘स्यान्ड’, ‘मड’ र ‘अटो’ मोड थिए ।ट्रायलहकको हुडमा ‘एन्टी-ग्लेर डिकेल’ रहेको छ जसले गर्दा सूर्यको प्रकाशले चालकको ‘भिजिबिलिटी’मा कुनै समस्या पैदा गदैन । यसको प|mन्ट बम्पर रिडिजाइन गरी अफरोडका लागि ‘क्यापाबल’ बनाइएको छ ।

अगाडिको बम्परको एपोच एंगल २६.५ डिगी रहेको छ भने पछाडिको डिपार्चर एंगल ३१.६ डिगी रहेको छ । ट्रायलहकमा १७ इन्चको एलोइ हृविल लगाइएको छ भने ग्राउन्ड क्लेरेन्स २०५ एमएम रहेको छ ।प|mन्ट बम्परको मुनि राखिएको ठूलो एअर ड्यामले गहिरो पानी भएको सतहमा गाडी चलाउँदा पनि ‘एअर इन्टेक’गर्न मद्दत गर्छ । जिपकम्पास ट्रायलहक ८४ सेन्टिमिटर सम्म गहिरो पानीमा पनि विना समस्या चलाउन सकिन्छ ।ट्रायलहकमा आकर्षक रातो स्टिच गरिएको कालो प्रिमियम लेदरको सिट राखिएका छन् ।इन्टेरियरको अन्य विभिन्न स्थानमा ‘रेड टच’ दिइएको छ र यसमा ठूलो पानोरामिक सनरुफ लगाइएको छ ।

त्यसैगरी, इन्स्ट्रयुमेन्ट क्लस्टरमा७इन्चको स्क्रिन प्रयोग गरिएको छ जसले नेभिगेसन डिरेक्सन, इन्जिनको तापमान, इन्जिनओइल र ट्रान्समिसन ओइल, ट्यांकमायुरियाको मात्रा, माइलेज, रेडियो फ्रिक्वेन्सी, गियर सेलेक्ट लगायतको सूचना दिन्छ । स्टेरिङ हि्वलको दायापट्टी अबक्रुज कन्ट्रोल र बायाँतिर रेडियो, संगीत, जलवायु र नेभिगेसनका लागि ‘भ्वाइस एक्टिभेटेड कन्ट्रोल’ राखिएको छ ।ट्रायलहकमा पनि अन्य जिप कम्पासमाझैं ५० भन्दा बढी सुरक्षाफिचर छन् । यसमा पछाडिको सिटका यात्रुलाई टाउको चोटबाट बचाउने ‘साइड फुल कर्टेन एअरब्याग’सहित ६ वटा एअरब्यागको व्यवस्था गरिएको छ ।

यसमा प्रयोग गरिएको ‘रोल ओभर मिसिगेसन’कुशल सुरक्षा फिचर हो जसले चाहिनेभन्दा बढी गाडी ढल्किएको ‘सेन्स’ गर्छ र तुरुन्त साइड एअरब्यागलाई सक्रिय बनाउँछ र भित्र रहेका सबैजनालाई ‘रोल ओभर’ अवस्थामा चोटबाट बचाउँछ । ट्रायलहकमा स्पिड वार्निङ सिस्टम पनि छ जुन यो भारतको नयाँ सवारी सुरक्षा नियमअनुसार राखिएको हो ।त्यसैगरी, एमएडब्लु लाइफले नाडामै कम्पास स्पोर्ट प्लस पनि लन्च गरेको छ । जिप कम्पास स्पोर्ट प्लस बेस अप्सन स्पोर्टभन्दा माथिको भेरियन्ट हो जसमा पि्रमियम फिचरहरु अफर गरिएका छन् ।

१६ इन्चको एलोइ हि्वल, डुअल टोन क्लाइमेट कन्ट्रोल, रियर पार्किङ सेन्सर र ब्ल्याक रुफ रेल यी पि्रमियम फिचर हुन् । साथै, यसमा इलेक्टि्रकल्ली एड्जस्टेबल आउटसाइड रियर-भ्यु मिरर, डे-टाइम रनिङ ल्याम्पस, अल-ब्ल्याक इन्टेरियर फेबि्रकअप होल्स्ट्रा र यु कनेक्ट ५.० टच स्क्रिन इन्फोटेन्मेन्ट सिस्टम छन् ।सुरक्षाको कुरा गर्ने हो भने यसमा डअल फ्रन्ट एअरब्याग, इलेक्टि्रक पार्किङ ब्रेक, एन्टिलक ब्रेक सिस्टम, इलेक्ट्रोनिक ब्रेक डिस्टि्रब्युसन, प्यानिक ब्रेक असिस्ट, फोर डिस्क ब्रेक, आइसोफिक्स चाइल्ड सिट एंकर र एडाप्टिभ ब्रेक लाइट जस्ता सुविधा पनि छन् ।

साथै, हिल स्टार्ट असिस्ट, ईसीएस (इलेक्ट्रोनिक स्ट्याबिलिटी कन्ट्रोल) र टीसीएस -ट्रयाक्सन कन्ट्रोल सिस्टम’ र डाइनामिक स्टिरिङ टर्क पनि छ ।यसको मूल्य ७३ लाख ९० हजार रुपैयाँ तोकिएको छ ।सार्वजनिक भएको एक वर्ष नबित्दै नेपाली सडकमा अहिले जिप कम्पासको उपस्थिति बाक्लो बन्दै छ । जीपले जसरी आˆना एसयुभीमा आˆनो ग्राहकले चाहेको फिचरहरु धमाधम थप्दै छ, त्यसैगरी नेपालमा आफ्नो छाप पनि दरिलोसँग छोड्दै छ ।कम्पासले नेपाली बजार बटुलको वाहवाहीको नतिजा हो, कम्पासको टप भेरियन्टको ‘लिमिटेड प्लस’ पनि ।

लाइफ अटोमोबाइलले नयाँ ‘टप-अफ-द-लाइन’ अप भेरियन्ट लिमिटेड प्लस थपेर जिप कम्पासको ‘पोर्टफोलियो’लाई विस्तार गरेको छ । यसमा त्यस्ता धेरै फिचरहरु छन् जुन सेग्मेन्टमै पहिलो पटक राखिएका छन् ।यो गाडीको अनुपम पक्षमध्ये एक हो, बाहिरी डिजाइन । यसैपनि लुक्समा चर्चा बटुलेको कम्पासमा गरिएका सुन्दर परिवर्तनले यसलाई अझै बढी दमादार बनाइदिएको छ । अझ गाडी भित्र धेरै फिर्चसहरु थपेर यो गाडी किन्नेलाई सही निर्णय लिएको महसुस गराउन खोजिएको छ ।बाहिरी डिजाइनमा सबैभन्दा ठूलो परिवर्तन यसको हि्वलमा गरिएको छ । गाडीमा १८ इन्चको हि्वल प्रयोग गरिएको छ ।

चक्काको आकार बढेसँगै कम्पासको आकारको ठूलो देखिन्छ । कम्पासलाई सडकमा उत्रिँदा ‘बोल्ड’ रुपमा प्रस्तुत गर्न यसले सघाएको छ । गाडीको पछाडि ‘लिमिटेड प्लस’ ब्याचले पनि कारको आकर्षणलाई बढाइदिएको छ ।कम्पासको लिमिटेड प्लस भेरि यन्टमा अब ‘डुअल पेन पानोरेमिक सनरुफ’ राखिएको छ । कम्पास लाइनअपमा यो पहिलो पटक राखिएको फिचर हो ।त्यसैगरी, यसमा तीन तहको ‘ब्राइटनेस’ भएको नयाँ अटोमेटिक हेडल्याम्पको सुविधा रहेको छ । हि्वलहरु पहिलेभन्दा ठलो १८ इन्चको ‘डुअल टोन पोलिस्ड एलुमिनियम एलोई हि्वल’ छन् । लिमिटेडमा १७ इन्चको हृविल थियो ।

त्यसैगरी, नयाँ जिप कम्पासमा वर्षा भएको थाहा पाउने रेन सेन्सिंग वाइपर राखिएको छ र यो पनि कम्पास लाइनअपमा पहिलो पटक हो ।जब यो गाडी सडकमा गुड्छ, गाडी प्रेमीमाझ एउटा तरंग नै सिर्जना गर्नसक्छ । किनभने यसको बाहिरी सजावट यति मजबुत लाग्छ कि जुनसुकै ब्रान्डका गाडी चढ्नेहरुलाई पनि एकपटक फर्किएर हेर्न कर लाग्छ ।यस्ता विशेषता भएका गाडीहरुले नाडामा जिपप्रेमीलाई उत्साहित बनाएको छ ।